Artíkulo 42: Responsabilidat ministerial

Tene na kuenta: solamente e vershon na hulandes di Konstitushon tin balides. 

E Rei i e ministronan huntu ta forma e gobièrnu. Un prinsipio importante di nos ordenansa estatal ta ku e Rei ta intokabel i ku e ministronan ta responsabel. Esei ta nifiká ku nan, i no e rei, ta responsabel pa e polítika di gobièrnu i mester rindi kuenta di esei den Segunda i Senado.

Dende 1848, e responsabilidat polítiko di ministronan ta fiha den Konstitushon. Sin embargo, den derecho estatal no skirbí tin reglanan tokante e responsabilidat ministerial. Asina un ministro mester tin por ehemplo e konfiansa di Kámara di Representante. Tan pronto ku e pèrdè esei, por ehemplo pasobra Kámara di Representante ta aprobá un moshon di deskonfiansa, e ministro ta entregá su dimishon.

E responsabilidat penal di ministronan ta den Konstitushon dende 1840 i a wòrdu elaborá den lei na 1855. Na 2018 a modifiká e lei ei i a kambia su nòmber pa Wet ministeriële verantwoordelijkheid en ambtsdelicten leden Staten-Generaal, ministers en staatssecretarissen.