Artíkulo 48: Firma di desisionnan di nombramentu i di retiro di ministernan i sekretarionan di Estado
Promé minister tambe ta firma e dekreto real mediante kua ta nombr’é komo tal. Promé minister tambe ta firma e dekretonan real mediante kua ta nombra òf retirá e demas ministernan i e sekretarionan di estado.
Eksplikashon
Tene na kuenta: solamente e vershon na hulandes di Konstitushon tin balides.
E prome minister ta kofirmá su mes desishon di nombramentu firmando esei tambe. Esei ta nifiká ku e mes ta responsabel pa su mes nombramentu. E ta firma tambe e desishonnan di nombramentu i di retiro di e otro ministernan i sekretarionan di Estado. Ku esaki ta enfatisá e responsabilidat di e prome minister pa su parti den formashon di e gabinete.
Dende 2012, Kámara di Representante ta designá e informadónan i formadónan i ta debatí nan informenan. Despues di formashon, e promé ministro ta rindi kuenta den Kámara di Representante tokante formashon di gabinete, durante e debate riba e deklarashon di gobièrnu.