Artíkulo 49: Aseptashon di kargo; hura di kargo
Na momento ku e ministernan i e sekretarionan di estado asumí nan kargo, nan ta hasi un huramentu òf deklarashon i promesa di integridat ante Rei, na e manera preskribí den lei, hurando òf primintiendo lealtat na Konstitushon i fieldat den kumplimentu di nan kargo.
Eksplikashon
Tene na kuenta: solamente e vershon na hulandes di Konstitushon tin balides.
Den Konstitushon no tin ningun teksto literal inkluí pa e huramentu òf promesa ku ministornan i sekretarionan di Estado nobo mester hasi. Meskos ku pa e huramentu ku Rei ta hasi, den Konstitushon tin solamente e kontenido mes di e huramentu.
Den e Wet beëdiging ministers en leden Staten-Generaal e kontenido di e huramentu òf promesa ta ankrá.
A base di artíkulo 10 di Wet gebruik Friese taal, por pronunsiá e palabranan di e huramentu òf promesa na frisón tambe.