Artíkulo 50: Representashon di pueblo

Tene na kuenta: solamente e vershon na hulandes di Konstitushon tin balides. 

E Staten General ta representá henter e pueblo hulandes. Ku e disposishon akí e karakter representativo i nashonal di Staten General ta bin dilanti.

Te ku 1795, den tempu di e Repúblika, Staten General tabata konsistí di delegadonan di e shete provinsianan, ku tabata sirbi promé ku tur kos e interès regional. Sèns 1814 Staten General ta e nòmber di e representashon di pueblo.

E tareanan mas importante di Staten General ta riba tereno di kòntrol riba gobièrnu, regulá den artíkulo 65 te ku 72 i riba tereno di legislashon, regulá den artíkulo 81 te ku 89.