Artíkulo 51: Sistema di dos kámara

Artíkulo 51
  1. Staten General ta konsistí di Kámara di Representante i Senado.
  2. Kámara di Representante ta konsistí di shentisinkuenta miembro.
  3. Senado ta konsistí di setentisinku miembro.
  4. Den seshon konhunto, ta konsiderá e kámaranan komo unu.

Eksplikashon

Tene na kuenta: solamente e vershon na hulandes di Konstitushon tin balides. 

Hulanda tin un sistema bikameral. Kámara di Representante, e parti elegí direktamente di e representashon di pueblo, politikamente ta e parti mas importante di parlamento i p'esei ta wordo menshoná na promé lugá. Banda di esei tin Senado ku tambe ta wordo indiká komo e Kámara di rekonsiderashon. Den e proseso legislativo un proyekto di lei ta wordo tratá promé den Kámara di Representante i despues den Senado.

E kantidat di miembro di Kámara di Representante ta 150, esun di Senado 75. Tin biaha e Kámaranan mester reuní huntu, den 'reunion uní'. E ora ei e diferensia entre tur dos Kámara ta keda eliminá i nan ta wordo konsiderá komo uno.