Artíkulo 25: Suseshon
Ora Rei fayesé, monarkia ta pasa via suseshon pa su desendientenan legítimo, ku prioridat pa e yu di mas grandi, i ku sustitushon konforme e mesun regla. Si no tin desendiente propio, monarkia ta pasa di mes manera pa e desendientenan legítimo di, na promé lugá su mayor, despues di su tawela òf wela, den e liña di suseshon, te asina leu ku nan parentesko ku e Rei difuntu no ta mas leu ku di tres grado.
Eksplikashon
E reinado ta pasa pa e yunan legítimo di e rei, independientemente si ta yiu hòmber òf yiu muhé. E yiu mas bieu i despues e yunan di e yiu mas bieu ta bini na promé lugá na konsiderashon. Despues e di dos yiu di e rei i e yunan di e di dos yiu, sigui pa e di tres yiu i e yunan di e di tres yiu... etc.
Si riba e manera akí no tin yiu ku por bira rei, e ruman hòmber/ruman muhé mas bieu di e rei ta bini na konsiderashon pa e reinado, siguí pa su yunan riba e mesun manera ku cerca e yunan di e rei. Despues e di dos ruman, di tres ruman.... etc.
Si tambe riba e meyor maneranan akí no tin rei disponibel, e tio/tanta mas bieu di e rei ta bini na konsiderashon pa e reinado. Despues e di dos tio/tanta mas bieu, etc. Sin embargo, e yunan di tio/tanta ta ekskluí pa sukesion di un rei pasobra nan ta famia den di kuater grado.
Den artíkulo 30 ta reglá kiko mester sosodé si no tin un sukesor.
Tene na kuenta: solamente e vershon na hulandes di Konstitushon tin balides.