Artíkulo 134: Otro entidatnan públiko

Artíkulo 134
  1. Den òf a base di lei, por instituí i disolvé entidat públiko pa profeshon i empresa, i entidat públiko di otro tipo.
  2. Lei ta regla e tareanan i organisashon interno di tal entidatnan públiko, e komposishon i kompetensianan di nan gobièrnunan, i tambe e karakter públiko di nan reunionnan. Den òf a base di lei, por otorgá kompetensia regulatorio na nan gobièrnunan.
  3. Lei ta regla supervishon riba tal gobièrnunan. Ta solamente pa motibu di konflikto ku derecho òf ku interes general por anulá desishon di tal gobièrnunan.

Eksplikashon

Tene na kuenta: solamente e vershon na hulandes di Konstitushon tin balides. 

Mediante òf a base di lei por stabili entidatnan públiko pa profeshon i negoshi, i otro entidat públiko. Un ehemplo ta Nederlandse orde van advocaten, establesé a base di Advocatenwet.

Lei ta regla e tareanan i organisashon di e entidatnan akí, e komposishon i kompetensianan di nan órganonan di gobernashon, i supervishon riba nan.

Meskos ku serka provinsia i munisipionan, desishonnan por wòrdu anulá si nan ta na kontradikshon ku lei òf ku interès general.