Artíkulo 133: Autoridatnan di awa
- Disolushon i institushon di outoridat di maneho di awa, regulashon di nan tareanan i organisashon interno, i komposishon di nan gobièrnu ta tuma lugá mediante ordenansa provinsial, konforme e reglanan ku lo fiha den lei, te asina leu ku no a stipulá otro kos den òf a base di lei.
- Lei ta regla e kompetensia regulatorio i demas kompetensianan di e gobièrnunan di e outoridatnan di maneho di awa, i tambe e karakter públiko di nan reunionnan.
- Lei ta regla e supervishon provinsial i di otro tipo riba tal gobièrnunan. Ta solamente pa motibu di konflikto ku derecho òf ku interes general por anulá desishon di tal gobièrnunan.
Eksplikashon
Waterschappen ta perkurá pa un bon kalidat di e awa di superfisie i ku den un sierto área no tin ni demasiado ni masha poko awa. E kuido di estado di awa tradishonalmente tin un lugá aparte den e organisashon di gobièrnu lokal hulandes, lokual no ta un sorpresa mirando e pasado i futuro riko na awa di Hulanda.
Establesement, anulashon i e strukturashon di waterschappen mester wordó regulá pa e provinsianan denter di e reglanan legal. E lei ta regulá e kompetensianan, e karácter públiko di e reunionnan i e supervishon riba waterschappen. Desishonnan por wordó anulá solamente si nan ta kontra e derecho òf e interes general.
Den 1991 a introdusí e Waterschapswet. Den e lei akí ta elaborá artíkulo 133 mas a fondo.
Tene na kuenta: solamente e vershon na hulandes di Konstitushon tin balides.