Artíkulo 37: Regensia

Artíkulo 37
  1. Un regente ta ehersé outoridat real:
    1. tanten ku Rei no a kumpli edat di diesocho aña;
    2. si un yu ku no a nase ainda por ta yamá pa asumí monarkia;
    3. si a deklará Rei inkapas pa ehersé outoridat real;
    4. si Rei a entregá ehersisio di outoridat real temporalmente;
    5. tanten ku falta un susesor despues ku Rei a fayesé òf renunsiá na monarkia.
  2. Ta nombra e regente den lei. Staten General ta deliberá i tuma desishon al respekto den seshon konhunto.
  3. Den e kasonan menshoná na insiso unu, sub c i d, e desendiente di Rei ku ta su susesor probabel ta regente konforme derecho si el a kumpli diesocho aña di edat.
  4. E regente ta hura òf primintí lealtat na Konstitushon i fieldat den kumplimentu di su kargo, den un seshon konhunto di Staten General. Lei ta fiha regla adishonal tokante regensia i por regla su suseshon i remplaso. Staten General ta deliberá i tuma desishon al respekto den seshon konhunto.
  5. Artíkulo 35 i 36 ta aplikabel analógikamente na e regente.

Eksplikashon

Tene na kuenta: solamente e vershon na hulandes di Konstitushon tin balides. 

Outoridat real ta wòrdu ehesé pa un regente

  • si e rei ta menor di edat, artíkulo 33
  • si un yiu no nasí posiblemente ta bira rei, artíkulo 26
  • si a deklará e rei inkapasitá, artíkulo 35
  • si e rei a depositá e outoridat real temporalmente, artíkulo 36.
  • tanten ku falta un susesor despues ku Rei a fayesé òf renunsiá na monarkia.

Si a deklará Rei inkapas pa ehersé outoridat real òf si el a entregá e ehersisio temporalmente, su desendiente ku ta su susesor probabel ta regente konforme derecho, si el a kumpli diesocho aña. Den otro kaso ta nombra e regente den lei. Staten General ta trata e proposishon den seshon konhunto. Un proposishon di inisiativa parlamentario ta posibel tambe.

E regente lo mester hasi un huramentu. Esaki ta regulá den e Wet beëdiging van de regent.

Tanten ku no a prové den e ehesishon di e outoridat real, esaki ta wòrdu ehesé pa Konseho di Estado (artíkulo 38)