Artíkulo 14: Ekspropriashon
- Ekspropiashon por tuma lugá solamente na interes general i kontra pago di indemnisashon, garantisá di antemano, i tur lo anterior, konforme e preseptonan ku lo fiha den òf a base di lei.
- No ta nesesario pa e indemnisashon ta garantisá di antemano si, den un kaso di emergensia, e ekspropiashon mester sosodé inmediatamente.
- Den e kasonan determiná den òf a base di lei, si na interes general, outoridat kompetente destruí un propiedat, pone ku no por us’é mas òf limitá ehersisio di e derecho di propiedat korespondiente, tin derecho riba indemnisashon o kompensashon di daño.
Eksplikashon
Artíkulo 14 ta regla onteigenishon. Tin biaha ta den interès general ku gobièrnu ta kita propiedat di un persona. Mester fiha di antemano kiko e kompensashon ta. E prosedura ku ta konta pa onteigenishon i fihamentu di e kompensashon, mester ta regla den un lei.
Den situashon di emergensia por desvia di e eksigensia pa fiha e kompensashon di antemano.
Si ta kestion di destrukshon òf inservibilisashon di propiedat, òf den kaso di limitashon di e derecho di propiedat di un persona, tin un derecho riba kompensashon di daño òf un kontribushon den e daño, pero solamente pa kasonan menshoná den lei.
Tene na kuenta: solamente e vershon na hulandes di Konstitushon tin balides.