Artíkulo 128: Otorgamentu di kompetensia na otro órganonan
Eksepto den e kasonan na kua ta referí den artíkulo 123, ta solamente konseho provinsial, respektivamente konseho munisipal, por otorgá kompetensia den sentido di artíkulo 124, insiso unu, na otro órgano ku no ta esunnan menshoná den artíkulo 125.
Eksplikashon
Tene na kuenta: solamente e vershon na hulandes di Konstitushon tin balides.
Eksepto den e kasonan di artíkulo 123, solamente konseho provinsial òf konseho munisipal por otorgá kompetensianan outónomo di e provinsia òf munisipio na otro órgano ku no ta menshoná den artíkulo 125. Esaki ta trata di e asuntunan propio indiká den artíkulo 124, insiso unu.
Esaki ta nifiká ku por ehemplo solamente un munisipio mag di desidí tokante desentralisashon den e munisipio mes, manera e instaurashon di konseho di distrikto òf konseho di bario.