Kêst 112: Kompetinsje fan 'e rjochterlike macht; bestjoerlike jurisdiksje
- Oan ’e rjochterlike macht is opdroegen de berjochting fan skelen oer boargerlike rjochten en oer skuldfoarderingen.
- De wet kin de berjochting fan skelen dy’t net út boargerlike rjochtsbetrekkingen ûntstien binne, opdrage itsij oan ’e rjochterlike macht, itsij oan gerjochten dy’t net oan ’e rjochterlike macht tahearre. De wet regelet de wize fan behanneling en de gefolgen fan ’e beslissingen.
Ferklearring
Tink derom: allinnich de Nederlânsktalige ferzje fan de Grûnwet jildt.
As immen fan betinken is dat in oar him of har ûnrjocht dien hat, kin er of sy de rjochtbank om in útspraak freegje. Der binne ferskate rjochterlike ynstellingen: distriktsrjochtbanken, beropsrjochtbanken en de Hege Ried. Hokker rjochtbank immen him of har oansprekke moat en wêrom wurdt fierder útwurke yn 'e Wet op de Justysjele Organisaasje (Wet op de rechterlijke organisatie).
De wetjouwer kin bestjoersrjochtlike skeel ek opdraachje oan in bestjoersrjochter dy’t net ta de rjochterlike macht yn de sin fan de Wet op de rechterlijke organisatie heart. De Afdeling bestuursrechtspraak van de Raad van State is sa’n ûnôfhinklike rjochter. Hokker rjochter in saak behannelet, hinget ôf fan de wetlike regeling.