Artíkulo 92: Kompetensianan di organisashonnan di derecho internashonal
Konforme, si nesesario, loke ta stipulá den artíkulo 91, insiso tres, mediante òf a base di tratado, por otorgá kompetensia legislativo, di gobernashon i di atministrashon di hustisia na organisashon di derecho internashonal públiko.
Eksplikashon
Tene na kuenta: solamente e vershon na hulandes di Konstitushon tin balides.
Por duna organisashonnan di derecho internashonal e kompetensia di legislashon, gobernashon i imparte hustisia. Mester tin un tratado na base di esei. Asina, en virtud di e tratado di UE, regulashon oropeo ta posibel i a enkargá Hof di Hustisia di Union Oropeo ku imparte hustisia.
Si un tratado asina ta desviá di Konstitushon òf ta hasi un desvio nesesario, kada un di e dos kámara mester aprob’é ku por lo ménos dos tersio di e votonan emití (artíkulo 91, insiso tres).