Artíkulo 80: Hasi konosí conseho
- Ta publiká e konsehonan di e kolegionan na kua e kapítulo akí ta referí, segun regla ku lo fiha den lei.
- Eksepto den e kasonan ku lo determiná den lei, ora emití un konseho riba un proposishon di lei entregá pa òf na nòmber di Rei, ta presentá esaki na Staten General.
Eksplikashon
Tene na kuenta: solamente e vershon na hulandes di Konstitushon tin balides.
E konsehonan di e órganonan menshoná den kapítulo 4 ta públiko en prinsipio, segun reglanan stipulá den lei. E reglanan ta den, entre otro, Wet open overheid (Woo), Wet op de Raad van State i Comptabiliteitswet 2016.
Konseho tokante proyektonan di lei ku wòrdu entregá pa gobièrnu serka Staten General, en general ta wòrdu presentá na Staten General. Eksepshonnan riba esaki mester wòrdu fihá pa lei.