Artíkulo 77: Membresia di Kontraloria General

Artíkulo 77
  1. Ta nombra e miembronan di Kontraloria General pa bida largu mediante dekreto real, for di un lista di tres persona ku Kámara di Representante di Staten General ta postulá.
  2. Ta duna nan retiro riba petishon propio i ora nan kumpli un edat ku lo fiha den lei.
  3. Korte Supremo por suspendé nan òf duna nan retiro den e kasonan indiká den lei.
  4. Por lo demas, lei ta regla nan posishon hurídiko.

Eksplikashon

Tene na kuenta: solamente e vershon na hulandes di Konstitushon tin balides. 

E gobièrnu ta nombrá pa medio di un dekreto real e miembronan di Kontraloria General. Ma gobièrnu mester skohe for di tres persona ku Kámara di Representante ta proponé. E miembronan di Kontraloria General por wòrdu despidí únikamente

  • riba petishon propio;
  • ora nan kumpli e edat legal di retiro di 70 aña;
  • pa Korte Supremo den e kasonan indiká den lei.

Korte Supremo por suspendé un miembro tambe den e kasonan indiká den lei. E reglanan pa retiro i suspenshon ta den artíkulo 7.5 di Comptabiliteitswet 2016.

E posishon hurídiko di e miembronan di Kontraloria General ta hopi similar na e posishon hurídiko di miembronan di poder hudisial. Ku esaki e independensia di Kontraloria General ta keda garantisá.