Artíkulo 17: Ius de non evocando; Asignashon di hues pa ley
- Ora ta determiná nan derecho- i obligashonnan òf ora ta determiná si un persekushon instituí kontra nan ta fundamentá, tur persona tin derecho di risibí un proseso hustu denter di un plaso rasonabel dilanti di un hues independiente i imparsial.
- No por priva ningun persona, kontra su boluntat, di tin akseso na e hues designá na su persona konforme lei.
Eksplikashon
Tene na kuenta: solamente e vershon na hulandes di Konstitushon tin balides.
Un siudadano ku ta wordo sospechá di un posibel echo kastigabel, tin derechi riba e huisio di un xues independiente i imparsial denter di un término rasonabel. Tambe tur siudadano por presenta un disputa ku un komsiudadano òf gobièrnu dilanti di un xues independiente i imparsial si esaki ta stipulá den lei. Ningun hende no por stroba e derechi akí. E derechi pa pidi e huisio di un xues independiente i imparsial ta un di e pilarnan di e estado di derecho.
Naturalmente, personanan por akordá di propio boluntat ku lo resolvé un disputa na un otro manera.