Artíkulo 138: Ajuste di stipulashonnan no kambia
- Promé ku Rei sanshoná e proposishonnan di kambio den Konstitushon ku keda aprobá den di dos vershon, den lei por:
- te asina leu ku ta nesesario, adaptá na otro e proposishonnan aprobá i e disposishonnan di Konstitushon ku no a kambia;
- modifiká e divishon i posishon di kapítulo, párafo i artíkulo, i tambe e enkabesamentunan.
- E kámaranan por aprobá un proposishon di lei ku ta kontené disposishon den sentido di insiso unu, sub a, solamente ku por lo ménos dos terser parti di e votonan emití.
Eksplikashon
Tene na kuenta: solamente e vershon na hulandes di Konstitushon tin balides.
Si un revishon konstitushonal ta konsistí di un serie di diferente proyekto di lei, rechaso di un òf mas proyekto por tin komo konsekuensia ku e disposishonnan kambiá i esnan ku a keda sin kambia di Konstitushon no ta kora bon ku otro mas.
Promé ku Rei ratifiká e kambionan, por armonisá e disposishonnan modifiká i esunnan sin kambio mediante lei. Pa e armonisashon segun insiso unu, sub a, ta nesesario por lo ménos dos tersio di e votonan emití den kada kámara. E eksigensia spesial ei no ta konta pa un lei ku solamente ta kambia e divishon, numerashon òf títulonan segun sub b.
Den e revishon konstitushonal di 1983 a realisá kuater di e leinan di adaptashon akí.