Artíkulo 85: Manda proyektonan di lei pa Senado
Asina ku Kámara di Representante aprobá òf disidí di entregá un proposishon di lei, e ta mand’é pa Senado i esaki ta konsiderá e proposishon manera Kámara di Representante a mand’é. Kámara di Representante por enkargá un òf mas di su miembronan pa defendé den Senado un proposishon ku Kámara a entregá.
Eksplikashon
Tene na kuenta: solamente e vershon na hulandes di Konstitushon tin balides.
Ora ku Kámara di Representante aprobá un proposishon di lei, despues Senado mester pronunsiá su mes tokante dje. Si e proposishon ta un inisiativa di lei, e ora ai Kámara di Representante ta asigná un òf mas miembro di Kámara di Representante ku ta defendé e proposishon di lei den Senado. Senado por solamente aprobá òf rechasá un proposishon di lei. E no por kambi'é. Esei ta resulta di e frase 'ku ta konsiderá e proposishon manera Kámara di Representante a mand'é na dje'.