Artíkulo 70: Enkuesta parlamentario
Tantu separadamente komo den seshon konhunto, tur dos kámara tin derecho di investigashon (enkuesta). Lo regla e derecho akí den lei.
Eksplikashon
Tene na kuenta: solamente e vershon na hulandes di Konstitushon tin balides.
E artíkulo akí ta duna tur dos Kámara separadamente i den Reunion Konjunta e derecho di enkuesta.
E derecho akí ta nifiká ku Kámara ta forma un komishon ku ta investigá un sierto tópiko. E komishon akí tin e derecho di yama persona ku mester kontestá preguntanan di e komishon bou di hura.
Di e kompetensia akí e Kámara di Representante a hasi uso diferente biaha den e último añanan. E derecho akí ta keda regulá den e Wet op de Parlementaire Enquête.
E Senado no a yega di hasi uso di e derecho akí nunka.