Artíkulo 60: Aseptashon di kargo pa miembronan di parlamento
Na momento ku e miembronan di e kámaranan asumí nan kargo, nan ta hasi un huramentu òf deklarashon i promesa di integridat den e reunion, na e manera preskribí den lei, hurando òf primintiendo lealtat na Konstitushon i fieldat den kumplimentu di nan kargo.
Eksplikashon
Tene na kuenta: solamente e vershon na hulandes di Konstitushon tin balides.
Den Konstitushon no a inkluí un teksto literal pa e huramentu òf promesa ku miembronan nobo di Parlamento mester hasi. Meskos ku pa e huramentu ku ministernan ta hasi konforme artíkulo 49, den Konstitushon ta pará solamente e kontenido sustansial di e huramentu.
Den e Wet beëdiging ministers en leden Staten-Generaal a fiha e kontenido di e huramentu òf promesa.
A base di artíkulo 10 di Wet gebruik Friese taal, por pronunsiá e palabranan di e huramentu òf promesa na frisón tambe.