Artíkulo 4: Derecho di voto
Tur hulandes tin derecho igual di elegí e miembronan di e órganonan di representashon general i di ser elegí komo miembro di e órganonan akí, a ménos ku ta trata di un restrikshon òf eksepshon fihá den lei.
Eksplikashon
Tene na kuenta: solamente e vershon na hulandes di Konstitushon tin balides.
En prinsipio tur hulandes tin e derecho pa vota i wòrdu eligí den un órgano representativo. E mas importantenan di esakinan ta e dos kambernan di Staten General, e konsehonan provinsial i konsehonan munisipal (di distritu).
Ku e palabra igualmente ta referí na e prinsipio di one man, one vote.
E artíkulo akí ta permití legislador pone restrikshon i eksepshon na derecho di voto. Por ehemplo, no ta elegí Senado direktamente. Ta e miembronan di e konsehonan provinsial, di e kolegionan elektoral di Hulanda Karibense i di e kolegio elektoral pa hulandesnan ku ta biba den eksterior ta elegí e miembronan di Senado.
E regulashon di e derecho di voto ta den e Kieswet.
Pelíkula: kon e derecho di voto ta regulá den Konstitushon? (Hüli 2023)