Artíkulo 116: Poder hudisial; nombramentu; supervishon
- Lei ta designá e tribunalnan ku ta forma parti di poder hudisial.
- Lei ta regla organisashon interno, komposishon i e kompetensianan di poder hudisial.
- Lei por stipulá ku persona ku no ta parti di poder hudisial tambe por partisipá den atministrashon di hustisia.
- Lei ta regla e supervishon ku e miembronan di poder hudisial enkargá ku atministrashon di hustisia mester ehersé riba kumplimentu di kargo di tal miembronan i di e personanan na kende ta referí den e insiso anterior.
Eksplikashon
Tene na kuenta: solamente e vershon na hulandes di Konstitushon tin balides.
Lei ta regla organisashon di podèr hudisial manera
- kual kourtenan i xuesnan tin,
- kon e kourtenan ta organisá, kon nan ta komponé i kiko ta nan kompetensianan
- kual xuesnan ta tene supervishon riba e kourtenan
Lei por stipulá ku personanan ku no ta miembro di poder hudisial por partisipá huntu ku miembronan di e poder ei den administrashon di hustisia. Un ehemplo ta personal militar den un tribunal militar. E disposishon ta permití e partisipashon konhunto akí, pero no un hurado ku ta hustisiá independientemente di miembronan di poder hudisial.
Tur esaki ta regla den e Wet op de rechterlijke organisatie i e Wet op de rechterlijke indeling.