Artíkulo 11: Inviolabilidat di kurpa
Tur persona tin derecho riba inviolabilidat di nan kurpa, denter di e límitenan ku lo fiha den òf a base di lei.
Eksplikashon
Tene na kuenta: solamente e vershon na hulandes di Konstitushon tin balides.
Den e artíkulo akí tin e derechi riba inbiolabilidat di e kurpa humano. Tur hende por desidí pa nan mes kiko ta sosodé ku nan kurpa, kual akshon médiko ta wordu ehesutá i kual medisina ta wordu tumá.
Limitashon ta posibel solamente si esaki ta regla pa lei. Esakinan ta pará por ehemplo den Politiewet 1993. Asina polis mag di eksigí un muester di sanger di un hende òf fuiá un hende.
Sin embargo, e protekshon di salubridat públiko den un sentido mas amplio por wordu presentá komo obhetivo, komo ku un regla por kontribuí na oumento di e grado di vakunashon kolektivo. Ora di skohe i duna forma na medidanan ku e bista riba protekshon di salubridat públiko, legislador tin un espasio di evaluashon konsiderabel.