Artíkulo 118: Korte Supremo; kasashon

Artíkulo 118
  1. Ta nombra e miembronan di Korte Supremo di Reino Hulandes for di un lista di tres persona ku Kámara di Representante di Staten General ta postulá.
  2. Den e kasonan i denter di e límitenan fihá den lei, Korte Supremo tin na su enkargo kasashon di sentensia hudisial pa violashon di lei.
  3. Den lei, por enkargá Korte Supremo ku otro tarea tambe.

Eksplikashon

Tene na kuenta: solamente e vershon na hulandes di Konstitushon tin balides. 

E miembronan di Korte Supremo ta wòrdu nombrá pa dekreto real, despues ku Kámara di Representante a proponé tres persona.

E tarefa prinsipal di Korte Supremo ta e investigashon di sentensianan hudisial. Esaki ta wòrdu yamá 'kasashon'. E ora ei Korte Supremo ta investigá si mester anulá e sentensia pa motibu di violashon di lei.

Pa lei por duna Korte Supremo otro tarefanan tambe.